ନିର୍ବାଚନ ପ୍ରଚାର କରୁଥିବାବେଳେ ଗାଡି ଉପରୁ ଖସିପଡିଲେ କେଟିଆର ଓ ବିଆରଏସ୍ କର୍ମୀ, ଦେଖନ୍ତୁ ଭିଡିଓ…
ଗୁରୁବାର ଦିନ ପ୍ରଚାର କରୁଥିବାବେଳେ ତେଲେଙ୍ଗାନା ଆଇଟି ମନ୍ତ୍ରୀ କେଟିଆର ରାଓ ଏକ ଦୁର୍ଘଟଣାର ସମ୍ମୁଖୀନ ହୋଇଥିଲେ। ବିଆରଏସ ନେତା କେଟିଆର ରାଓ ନିଜାମାବାଦ ଜିଲ୍ଲାର ଆର୍ମୁରରେ ଏକ ନିର୍ବାଚନ ପ୍ରଚାର ଗାଡିରୁ ଖସି ପଡିଛନ୍ତି । ଘଟଣା ସମୟରେ ସୁରେଶ ରେଡ୍ଡୀ ଏବଂ ଜୀଭାନ୍ ରେଡ୍ଡୀ ମଧ୍ୟ ସମାନ କାରରେ ଉପସ୍ଥିତ ଥିଲେ ।
ସିଆରସିଲା ବିଧାନସଭା ନିର୍ବାଚନମଣ୍ଡଳୀରୁ ବିଆରଏସ ନେତା କେ.ଟି.ଆର. ନାମାଙ୍କନପତ୍ର ଦାଖଲ କରିବା ପୂର୍ବରୁ କେ.ଟି ରାମା ରାଓ ହାଇଦ୍ରାବାଦସ୍ଥିତ ତାଙ୍କ ବାସଭବନରେ ପୂଜା କରିଥିଲେ। ଏହି ପୂରା ଘଟଣାର ଭିଡିଓ ଏବେ ସାମ୍ନାକୁ ଆସିଛି, ଯାହା ଭାଇରାଲ ହେବାରେ ଲାଗିଛି ।
#WATCH | Telangana Minister and BRS leader KTR Rao fell down from a vehicle during an election rally in Armoor, Nizamabad district.
More details awaited. pic.twitter.com/FSNREb5bZZ
— ANI (@ANI) November 9, 2023
ଆଗକୁ ତେଲେଙ୍ଗାନା ବିଧାନସଭା ନିର୍ବାଚନ ଥିବାରୁ ନିଜାମାବାଦରେ ତେଲେଙ୍ଗାନା ମୁଖ୍ୟମନ୍ତ୍ରୀଙ୍କ ପୁଅ କେଟିଆର୍ ବିଆରଏସ୍ ଏକ ମିନି ବସ୍ ଉପରେ ଛିଡା ହୋଇ ପ୍ରଚାର କରୁଥିଲେ । ତାଙ୍କ ସହ ରାଲିରେ ଅନ୍ୟ ନେତା ମାନେ ମଧ୍ୟ ସାମିଲ ଥିଲେ । ବସର ରୁଫଟପରେ ଛିଡା ହୋଇ କେଟିଆର୍ ଲୋକଙ୍କୁ ହାତ ହଲାଇ ଅଭିବାଦନ ଜଣାଉଥିବା ସମୟରେ ସେ ନେତାମାନଙ୍କ ସହ ତଳକୁ ଖସି ପଡିଥିଲେ ।
ତେବେ ଏହି ଘଟଣାରେ ଆହତ ହୋଇଥିବା ନେତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । ତେବେ ଗାଡ଼ି ଉପରେ ଆବଶ୍ୟକ ଠାରୁ ଅଧିକ ଲୋକ ଠିଡା ହୋଇଥିବାରୁ ଏପରି ଦୁର୍ଘଟଣା ଘଟିଛି । ଗାଡି଼ରେ ପାଖାପାଖି ୧୦ ଜଣ ଠିଆ ହୋଇଥିବା ନେଇ ସୂଚନା ରହିଛି ।