ସୁନ୍ଦର ଦିଶିବା ପାଇଁ ମୁଣ୍ଡ କୁଣ୍ଡାଯାଏ । ପାନିଆରେ କୌଣସି ସମସ୍ୟା ଦୋଷ ତୃଟି ଥିବା ଆମେ ଅନୁମାନ କରୁନାହୁଁ । ପ୍ରକୃତରେ ପାନିଆ ଅନୁସାରେ ଆମେ ସମସ୍ୟା ଭୋଗକରୁ । ବଜାରରେ ଆଜିକାଲି ପ୍ଲାଷ୍ଟିକ୍ ପାନିଆର ଚାହିଦା ବଢ଼ୁଛି। ପ୍ଲାଷ୍ଟିକ୍ ପାନିଆରେ କୁଣ୍ଡାଇଲେ କେଶର ବିଭିନ୍ନ ସମସ୍ୟା ଉପୁଜେ। ଆଗ ସମୟରେ, ସମସ୍ତେ କାଠ ପାନିଆରେ କେଶ କୁଣ୍ଡାଉଥିଲେ। ପ୍ଲାଷ୍ଟିକ୍ ଯୁଗରେ କାଠକୁ ଲୋକେ ଏକରକମ ଭୁଲିଗଲେଣି। ଏବେ ମଧ୍ୟ ବଜାରରେ, ଅନ୍-ଲାଇନ୍ରେ କାଠ ପାନିଆ ମିଳୁଛି। ଏହି କାଠ ପାନିଆର କରାମତି ଚାଲନ୍ତୁ ଜାଣିବେ।
– ପ୍ରଥମ କଥା ହେଉଛି, କାଠ ପାନିଆରେ କୁଣ୍ଡାଇଲେ କେଶ ସଂକ୍ରମଣ ହୁଏନାହିଁ।
– ରୁପି, କେଶମୂଳରୁ ଚୋପା ଛାଡ଼ିବା ଆଦି ସମସ୍ୟା ହେଉଥିଲେ ମଧ୍ୟ ତାହା ବନ୍ଦ ହୋଇଯାଏ।
– ଉଙ୍କୁଣି ସମସ୍ୟାରୁ ରକ୍ଷା ପାଇବାକୁ ନିମ୍ବ କାଠ ପାନିଆରେ ପ୍ରତିଦିନ କେଶ କୁଣ୍ଡାଇବେ।
– କାଠ ପାନିଆର ମଧ୍ୟ ବିଭିନ୍ନ ଡିଜାଇନ୍ ବଜାରରେ ମିଳୁଛି। ଏସବୁ ସାମାନ୍ୟ ମହଙ୍ଗା କାରଣରୁ ସମସ୍ତେ ପ୍ଲାଷ୍ଟିକ୍ ପାନିଆ କିଣିବାକୁ ଆଗ୍ରହ ପ୍ରକାଶ କରୁଛନ୍ତି। ଜାଣିରଖନ୍ତୁ ଯେ, କାଠ ପାନିଆରେ କେଶ କୁଣ୍ଡାଇଲେ ବିଭିନ୍ନ ସମସ୍ୟା ଦୂର ହୁଏ।