ଇତିହାସ ରଚିଲା ଇସ୍ରୋ, ସବୁଠାରୁ ଓଜନିଆ ରକେଟ୍ ଏଲ୍ଏମ୍ଭି-୩ ସାହାଯ୍ୟରେ ୩୬ଟି ଉପଗ୍ରହର କଲା ସଫଳ ଉତ୍କ୍ଷେପଣ
ଭାରତୀୟ ମହାକାଶ ଅନୁସନ୍ଧାନ ସଂସ୍ଥା-ଇସ୍ରୋ ପୁଣି ଇତିହାସ ସୃଷ୍ଟି କରିଛି। ଏହାର ସବୁଠାରୁ ଓଜନିଆ ରକେଟ୍ ଏଲ୍ଏମ୍ଭି-୩ ସାହାଯ୍ୟରେ ଏକ ଥରକେ ୩୬ଟି ଉପଗ୍ରହର ସଫଳ ଉତ୍କ୍ଷେପଣ କରାଯାଇଛି। ଆନ୍ଧ୍ରପ୍ରଦେଶ ଶ୍ରୀହରିକୋଟାସ୍ଥିତ ସତୀଶ ଧାୱନ ମହାକାଶ କେନ୍ଦ୍ରରୁ ଏହି ୩୬ଟି ଉପଗ୍ରହର ସଫଳ ଉତ୍କ୍ଷେପଣ କରାଯାଇଛି।
୪୩.୫ ମିଟର ଲମ୍ବ ରକେଟ୍ ଏଲ୍ଏମ୍ଭି-୩ ଦ୍ବାରା ୩୬ଟି ୱାନ ୱେବ ଉପଗ୍ରହ ଉତ୍କ୍ଷେପଣ କରାଯାଇଛି। ଏହି ଉପଗ୍ରହଗୁଡିକୁ କକ୍ଷପଥରେ ସଫଳତାର ସହ ସ୍ଥାପନ କରାଯାଇଥିବା ଇସ୍ରୋ ସୂଚନା ଦେଇଛି।